بانی پی ٹی آئی کے خلاف ایمل ولی کی درخواست غیر موثر قرار

پشاور(پی پی آئی) پشاور ہائیکورٹ نے سربراہ اے این پی ایمل ولی کی بانی پی ٹی آئی کے خلاف درخواست غیر موثر قرار دے کر نمٹا دی۔پشاور ہائیکورٹ کے دورکنی بنچ جسٹس شکیل احمد اور جسٹس وقار احمد نے سربراہ اے این پی ایمل ولی خان کی درخواست پر سماعت کی۔درخواست گزار کا موقف تھا کہ ضمنی انتخابات میں بانی پی ٹی آئی نے7حلقوں سے الیکشن لڑا لیکن کاغذات نامزدگی میں غلط بیانی کی گئی۔وکلا درخواست گزار نے استدعا کی کہ بانی پی ٹی آئی نے کاغذات نامزدگی میں توشہ خانہ تحائف کا ذکر بھی نہیں کیا، بانی پی ٹی آئی کو مذکورہ حلقوں سے نااہل قرار دیا جائے۔عدالت نے وکلا کے دلائل سننے کے بعد ریمارکس دیتے ہوئے کہا کہ وہ اسمبلی رہی نہ بانی پی ٹی آئی اب ممبر رہے اس لئے درخواست اب قابل سماعت نہیں۔بعدازاں پشاور ہائی کورٹ نے ایمل ولی خان کی درخواست غیر مؤثر ہونے پر کیس نمٹا دیا۔

Next Post

وزارت اعلیٰ کیلئے کئی نام زیر غور،نئے چہرے متعارف کرانے کا فیصلہ

Wed Feb 14 , 2024
کراچی(پی پی آئی)پی پی  قیادت کی جانب سے سندھ میں وزارت اعلیٰ کیلئے مراد علی شاہ، ناصر شاہ،  شرجیل انعام میمن سمیت کئی ناموں پر غور کیا جارہا ہے لیکن بعض حلقے مدعی ہیں کہ آصف زرداری کوئی چونکا دینے والا نام بھی دے سکتے ہیں نیز متوقع کابینہ کے ناموں پربھی بلاول بھٹو، فریال تالپور کی آصف زرداری سے […]