کراچی میں خسرہ کے کیسز میں تشویش ناک حد تک اضافہ

کراچی (پی پی آئی)کراچی میں خسرہ  کا شکار بچوں کی تعداد تشویش ناک حد تک بڑھی ہے۔ پی پی آئی کے مطابق سندھ میں گزشتہ سال خسرہ کے 4ہزار سے زائد کیسز رپورٹ ہوئے تھے۔محکمہ صحت کادعویٰ ہے کہ پانچ سال سے کم عمر کے ساڑھے تین لاکھ سے زائد بچوں کو خسرہ اور روبیلا کی ویکسی نیشن گزشتہ سال کی گئی تھی لیکن یہ بیماری چونکہ ایک سے دوسرے بچے کو لگتی ہے اسلئے اس میں پھیلاؤ دیکھا جارہا ہے۔