عالمی ادارہ موڈیز پاکستان کی ریٹنگ بہتر قرار دینے پر آمادہ

کراچی(پی پی آئی)مالیات پر عالمی ادارے موڈیز نے پاکستان کی معیشت کے حوالے سے مثبت بیان جاری کرتے ہوئے سرمایہ کاری کے حوالے سے پاکستان کی ریٹنگ بہتر ہونے کی امید ظاہر کی ہے۔موڈیز انوسٹر سروس نے پاکستان کے حوالے سے اپنے جائزہ میں کہا ہے کہ اگر حکومت نے لیکوڈٹی اور بیرونی قرضوں کے لیے حوالے سے صورت حال پر قابو پا لیا تو پاکستان کی ریٹنگ اپ گریڈ کردی جائے گی۔پاکستان میں تقریباً دو برس سے جاری سیاسی بحران کے دوران موڈیز کی جانب سے پاکستان کی ریٹنگ منفی کر دی گئی جو اب تک Caa3 پر برقرار ہے۔تازہ ترین جائزے میں بھی موڈیز نے پاکستان کی یہ ریٹنگ برقرار رکھی ہے تاہم موڈیز نے اسے بہتر کرنے کا عندیہ دیا ہے۔موڈیز کی جانب سے کہا گیا کہ پاکستان میں زرمبادلہ کے ذخائر اس مطلوبہ حد سے بہت کم ہیں جس بیرون سرمایہ کاری ضروریات کو پوری کرنے کے لیے درکار ہے۔موڈیز نے پاکستان کے کمزور معاشی پروفائل کا ذکر کیا اور کہا کہ اگرچہ پاکستان جون 2024 تک اپنے بیرونی قرض کی ذمہ داریاں ادا کر لے گا لیکن آئی ایم ایف کے ساتھ موجودہ معاہدہ اپریل 2024 میں ختم ہونے کے بعد فنانسنگ کی ضروریات پوری کرنے کیلئے کوئی سہارا دکھائی نہیں دیتا۔تاہم موڈیز کا یہ بھی کہنا تھا کہ اگر پاکستان اپنے ان چیلنجز پر قابو پالے، زرمبادلہ کے ذخائر بڑھا لے، محصولات میں اضافے کے اقدامات پر عمل کرے تو اس کی ریٹنگ بڑھ سکتی ہے۔

Latest from Blog