کراچی میں تیز سرد ہواؤں کا راج، درجہ حرارت میں کمی

کراچی(پی پی آئی)کراچی میں پیر کی دوپہر سے شروع ہونے والی تیز ہواؤں بدستور چل رہی ہیں۔ منگل کی صبح ہوا کی رفتار 35 کلومیٹر فی گھنٹہ تھی۔تیز سرد ہوائیں چلنے کے سبب سبب شہر میں درجہ حرارت کم ہوگیا ہے اور کم سے کم درجہ حرارت 16 ڈگری سیلسئس ریکارڈ کیا گیا۔ پی پی آئی کے مطابق موسمیات سے متعلق عالمی اداروں کی پیش گوئی ہے کہ شہر میں تیزہواؤں کایہ سلسلہ بدھ کی رات تک جاری رہیگا، مشرقی سمت سے داخل ہونیوالاتیزہواؤں کاسسٹم کل رات کوکمزور پڑجائیگا، جس کے بعد ہواؤں کی رفتار میں کمی واقع ہوگی۔محکمہ موسمیات نے کراچی میں درجہ حرارت تین روز کے دوران مزید گرنے کی پیش گوئی کی ہے۔ جوبدھ کو 14 سے 16 درجے اور جمعرات کو 14 سے 16 درجے رہے گا۔تاہم محکمہ موسمیات کے مطابق بارش کا کوئی امکان نہیں۔

Latest from Blog