مقبوضہ جموں وکشمیرمیں نامساعد حالات کیوجہ سے لوگوں کی ذہنی صحت متاثر

سری نگر/مقبوضہ کشمیر(پی پی آئی)بھارت کے زیر قبضہ جموں وکشمیر میں بڑھتی ہوئی بے روز گاری اور دیگر مساعد حالات کی وجہ سے لوگوں کی ذہنی صحت شدید متاثرہو رہی ہے۔ مزدور طبقے کے علاوہ سیاحت، ٹرانسپورٹ اور دیگر شعبوں سے وابستہ لوگ ذریعہ معاش مفقود ہوجانے کیوجہ سے ذہنی امراض کا شکار ہو رہے ہیں اور یہ معاملہ دن بہ دن سنگین شکل اختیار کر رہا ہے۔میڈیا رپورٹس کے مطابق علاقے کو درپیش نامساعد حالات کے باعث لوگوں کی ذہنی صحت سخت متاثر ہورہی ہے اور لوگوں میں خود کشی کا رحجان دن بہ دن بڑھتا جا رہا ہے۔ کشمیر میں آئے روز خود کشی کے واقعات رونما ہو رہے ہیں اور پچھلے کچھ عرصے سے اس میں تیزی آئی ہے۔