آرمی چیف سے سعودی وزیر دفاع کی ملاقات، مختلف شعبوں میں تعاون بڑھانے پر تبادلہ خیال

اسلام آباد(پی پی آئی)سعودی عرب کے وزیر دفاع شہزادہ خالد بن سلمان بن عبدالعزیز السعود نے چیف آف آرمی سٹاف جنرل سید عاصم منیرسے بھی راولپنڈی میں ملاقات کی۔انہوں نے باہمی دلچسپی کے امور دوطرفہ تعلقات کے فروغ اور مختلف شعبوں بالخصوص دفاع کے شعبے میں تعاون بڑھانے کے طریقوں پر تبادلہ خیال کیا۔اس موقع پر گفتگو کرتے ہوئے سعودی وزیر دفاع نے کہا کہ پاکستان اور سعودی عرب کے درمیان مضبوط اور تاریخی برادرانہ تعلقات ہیں اور دونوں ممالک ہمیشہ سے ایک دوسرے کے خیر خواہ رہے ہیں۔