ڈاکٹر یاسمین راشد کی آئی جی پنجاب کو ایوارڈ ملنے پر طنزیہ مبارک باد

لاہور (پی پی آئی) پاکستان تحریک انصاف کی رہنماڈاکٹر یاسمین راشد نے آئی جی پنجاب کو ایوارڈ ملنے پر طنزیہ مبارک باد دی اور کہا ہے کہ جس طرح انہوں نے ن لیگ کے گھریلو ملازم ہونے کا کردار ادا کیا اس پر ایوارڈ تو بنتا تھا۔ جیل سے اپنے ایک خط میں انہوں لکھا کہ آئی جی پنجاب کی سربراہی میں لوگوں کی عزتیں اچھالی گئیں، گھروں کا تقدس پامال کیا گیا، خواتین کے ساتھ بد ترین سلوک کیا گیا، خواتین سیاسی قیدیوں کو جیلوں میں رکھا گیا، جنگ، بغاوت، قتل، دہشت گردی کے جعلی پرچے کاٹے گئے۔ڈاکٹر یاسمین نے طنز کا اظہار کرتے ہوئے کہا کہ ان خدمات پر آئی جی پنجاب کو تمغہ دینا تو بنتا تھا،  تاہم چیف الیکشن کمشنر کے ساتھ زیادتی ہوئی جس کی مذمت کرنا چاہوں گی، درخواست ہے آئی جی پنجاب کے ساتھ چیف الیکشن کمشنر کو بھی نوازا جائے۔

Latest from Blog