کانز فلم فیسٹیول میں شامل پہلی سعودی فلم “نوریٰ” توجہ کا مرکز

کانز(پی پی آئی) سعودی عرب کے ہدایت کار توفیق الزایدی کی فلم “نوریٰ” کانز فلم فیسٹیول میں پیش کی گئی ہے۔’”نوریٰ” کو 77 ویں سیشن کے سرکاری پروگرام میں منتخب فلموں کی فہرست میں “پہلی سعودی فلم” کے طور پر منتخب کیا گیا، “نوریٰ” کو ہدایت کار اور مصنف توفیق الزایدی کی پہلی فیچر فلم سمجھا جاتا ہے، جس میں اداکار یعقوب الفرحان، فنکار ماریہ بحراوی اور مشہور اداکار عبداللہ السدحان نے ایسے عناصر کو پیش کیا ہے جو بین الاقوامی سامعین کو اپنی طرف متوجہ کرتے ہیں۔فلم کے واقعات 1990کی دہائی میں سعودی عرب کے ایک دور افتادہ گاؤں میں رونما ہونے والے واقعات پر مشتمل ہیں، اس کی کہانی ایک ’نوریٰ” نامی لڑکی کے گرد گھومتی ہے، جس کے گاؤں میں ایک ٹیچر  نادر آتا ہے اور “نوریٰ”  سے ملتا ہے۔ “نوریٰ” اس سے بہت متاثر ہوتی ہے۔ نادر اس کے اندر چھپے فن کے جوہر کو دریافت کر کے بیدار کرتا ہے۔اس طرح ” نوریٰ” ” کے ذریعے سعودی سینما نے کانز فلم فیسٹیول میں اپنی نمایاں موجودگی درج کرائی، کیونکہ یہ سب سے اہم بین الاقوامی فلمی میلہ سمجھا جاتا ہے، یہ میلہ فلموں کے لیے ایوارڈز جاری کرتا ہے۔