بلوچستان کے ضلع خضدارمیں زلزلہ،لوگوں میں خوف وہراس

کوئٹہ(پی پی آئی) بلوچستان کے ضلع خضدار اور اطراف میں زلزلے کے شدید جھٹکوں نے مکانات کے درودیوار ہلا دئیے۔ زلزلہ پیما مرکز کے مطابق زلزلے کی شدت 4.3ریکارڈ کی گئی، زلزلے کی گہرائی 27.76کلومیٹر تھی۔پی پی آئی کے مطابق زلزلہ کا مرکز خضدار کے قریب تھا، زلزلے کے بعد لوگوں میں خوف وہراس پھیل گیا،تاہم کسی جانی و مالی نقصان کی اطلاع موصول نہیں ہوئی۔