اسلام آبادکی شاہراہ الیونتھ ایونیوکا نام ایران ایونیو رکھ دیا گیا

اسلام آباد(پی پی آئی)وفاقی حکومت ایرانی صدر کے دورہ پاکستان کے مو قع پراسلام آ بادکی شاہراہ الیونتھ ایونیو کا نام ایران ایونیو رکھ دیا۔ وفاقی کابینہ نے ایک اور سمری کی منظوری  دیدی۔پی پی آئی کے مطابق اسلام آ بادکی شاہراہ الیونتھ ایونیو کا نام ایران ایونیو رکھ دیاگیا،سی ڈی اے کی سمری پر وفاقی کابینہ نے اس فیصلے کی منظوری دی،سی ڈی اے نے الیونتھ ایونیو کی تعمیر شروع کردی ہے۔  فیز ون میں اس کا آغاز سیکٹر ڈی بارہ سے ای الیون نارتھ ایسٹ کارنر تک کیا گیا ہے۔اس شاہراہ کیلیے خیابان اقبال پر انٹر چینج بھی تعمیر کیا گیا ہے،فیز ٹو میں اس کی آئی جے پرنسپل روڈ تک توسیع کی جا ئے گی۔