بی جے پی کٹھ پتلی انتظامیہ وادی میں ووٹروں کو ڈرا دھمکارہی ہے:محبوبہ مفتی

سری نگر/مقبوضہ کشمیر(پی پی آئی) مقبوضہ کشمیر میں پیپلز ڈیموکریٹک پارٹی (پی ڈی پی) کی صدر محبوبہ مفتی نے کہا ہے کہ بی جے پی کی کٹھ پتلی انتظامیہ نے ا سلام آبادراجوری حلقے میں انتخابات دانستہ طور پر تاخیر کا شکار کر دیے ہیں تاکہ ووٹروں کو ڈرا دھمکا کر بی جے پی کے اتحادیوں کے حق میں کیا جاسکے۔پی پی آئی کے مطابق محبوبہ مفتی نے ضلع راجوری کے علاقے منیال گلی میں انتخابی جلسے سے خطاب کرتے ہوئے کہا کہ مودی حکومت کشمیریوں سے انکا سب کچھ چھیننے پر تلی ہوئی ہے، کشمیریوں کے وسائل پر مسلسل حملے کیے جا رہے ہیں۔ انہوں نے کہا کہ استحصال اور ناانصافیوں کے خلاف آواز اٹھانے والوں کو ڈرا دھمکا کر خاموش کرانے کی کوشش کی جا رہی ہے۔ انہوں نے کہا کہ ہمیں بہت سے چلینجوں کا سامنا ہے، ہمیں چاہیے کہ ہم اپنے ووٹ کی طاقت سے بی جے پی کے کشمیردشمن عزائم کو ناکام بنائیں۔

Latest from Blog