گریڈ 17 سے 22 تک کے وفاقی افسران کی مراعات میں کمی

اسلام آباد(پی پی آئی)وفاقی حکومت نے گریڈ 17 سے 22 تک کے سرکاری ملازمین کی مراعات میں کمی کی منظوری دی ہے۔ذرائع کے مطابق کسٹمز ملازمین کو دی جانے والی سبسڈی ختم کر دی گئی۔ کسٹمز ملازمین کو دیا جانے والا ہاوس رینٹ بھی ختم کرنے کا فیصلہ کیا گیا ہے۔ذرائع کا کہنا ہے کہ کسٹمز ملازمین کو دیا جانے والا میڈیکل الاؤنس بھی ختم کیا جارہا ہے، کسٹمز ملازمین کو کامن پول فنڈ سے مراعات دی جا رہی تھیں۔فیڈرل بورڈ آف ریونیو نے کامن پول فنڈ سے سبسڈی اور مراعات ختم کرنے کا حکم دیا ہے۔پی پی آئی کے مطابق ذرائع نے بتایا ہے کہ عالمی مالیاتی ادارے (آئی ایم ایف) کے ساتھ رواں ماہ مذاکرات میں سرکاری ملازمین کی غیر ضروری مراعات اور پنشن اصلاحات پر مذاکرات کیے جائیں گے۔