مودی حکومت پاکستان سے مذاکرات کرے، فاروق عبداللہ

سری نگر(پی پی آئی)مقبوضہ کشمیر کے سابق وزیراعلی فاروق عبداللہ نے مسائل حل کرنے کے لیے مودی حکومت سے پاکستان سے  مذاکرات شروع کرنیکا مطالبہ کردیا۔بھارتی میڈیا سے گفتگو میں فاروق عبداللہ نے جنوبی ایشیائی ممالک کی علاقائی تعاون تنظیم سارک بھی بحال کرنے پر زور دیا۔فاروق عبداللہ کا کہنا تھا کہ فوجی اقدامات مسائل کو حل نہیں کرسکتے، پڑوسیوں سے بات چیت کیے بغیر مسائل حل نہیں ہوں گے۔فاروق عبداللہ کا کہنا تھا کہ پاکستان کی حکومت پرامن ماحول چاہتی ہے، اس کے لیے دروازے کھولے جائیں، سارک کو بحال کریں، سارک اس پورے علاقے کی بھلائی کے لیے بنائی گئی تھی۔