سکھر بیراج کادروازہ ٹوٹنے کی اعلی سطحی تحقیقات کی جائیں:پاسبان

کراچی (  پی پی آئی  )پاسبان ڈیموکریٹک پارٹی کے وائس چیئرمین رفیق خاصخیلی نے کہا ہے کہ سکھر بیراج کے دو ہزار من وزنی گیٹ کا اچانک گرجانا،سندھ حکومت کے ایریگیشن ڈیپارٹمنٹ کے نااہل افسران کی کارکردگی پر سوالیہ نشان ہے ایک پریس ریلیز کے مطابق انھوں نے کہا کہ سندھ حکومت کے کرتا دھرتاؤں اور بیوروکریسی کے بڑے بڑے افسران کی بے حسی دیکھ کر ایسا لگتا ہے جیسے گیٹ کو خود ہی گرا یاگیا ہے۔ اس ملک کی بدقسمتی یہی ہے کہ بھیڑیے اسے نوچ رہے ہیں جونکیں خون چوس رہی ہیں اور بڑے بڑے مگرمچھ ہڑپ کر رہے ہیں۔ سندھ میں برسوں سے لوٹ مار کا بازار گرم ہے۔ نااہل اور کرپٹ حکمران مافیاز کے باعث بیراجوں کی مرمت کے پیسے بھی ہڑپ کرلئے گئے ہیں۔  دروازہ ٹوٹنے کی وجہ سے بیراج سے نکلنے والی سات نہریں بند ہیں، کسانوں کی لاکھوں ایکڑ اراضی متاثر ہوجائے گی#

Latest from Blog