کوئٹہ،موٹرسائیکل چھیننے کے دوران مزاحمت پر نوجوان کا قتل

کوئٹہ(پی پی آئی) صوبائی دارالحکومت کے علاقے خازی چوک میں موٹرسائیکل چھیننے کی کوشش کے دوران مزاحمت پر نوجوان کو گولی مار کر قتل کر دیا گیا۔ پولیس کے مطابق کوئٹہ کے علاقے سمنگلی روڈ خزئی چوک کے قریب سراج نامی نوجوان موٹرسائیکل پر جارہا تھا کہ نامعلوم ڈاکوؤں نے اسے روک لیا۔ سراج نے مزاحمت کی تو ڈاکوؤں نے اسے گولی مار کر ہلاک کر دیا اور اس کی موٹر سائیکل چھین کر فرار ہو گئے۔ لاش کو سنڈیمن پراونشل ہسپتال کوئٹہ منتقل کیا گیا اور بعد ازاں ضروری طبی اور قانونی ضابطے کی تکمیل کے بعد ورثاء کے حوالے کر دیا گیا۔ مزید تفتیش خالق شہید تھانہ کوئٹہ کے حکام کر رہے ہیں۔

Latest from Blog