پاکستان کی اقوام متحدہ کی بچوں اورمسلح تصادم سے متعلق رپورٹ پرکڑی تنقید

ٓٓاسلام آباد)پی پی آئی)پاکستان نے اقوا م متحدہ کی رپورٹ ”بچوں اور مسلح تصادم” پر غیر ملکی قبضے میں کشمیری بچوں کی حالت زار کو نظر انداز کرنے پر کڑی تنقید کی ہے۔آج اقوام متحدہ کی سلامتی کونسل میں ” بچوں اور مسلح تصادم” کے حوالے سے گفتگو کرتے ہوئے پاکستان کے سفیر منیر اکرم نے رپورٹ کی واضح ناکامی پر تنقید کی۔منیر اکرم نے کہا کشمیر اور فلسطین سمیت غیر ملکی زیر قبضہ رہنے والے بچے خاص طور پر تشدد اور انسانی حقوق کی خلاف ورزیوں کا شکار ہیں۔انہوں نے اقوام متحدہ کے انسانی حقوق کے ہائی کمشنر اور انسانی حقوق کونسل کے خصوصی نمائندوں سے مطالبہ کیا کہ وہ انسانی حقوق کی بڑے پیمانے پر خلاف ورزیوں کی تحقیقات کیلئے بھارت کے غیر قانونی زیر قبضہ جموں و کشمیر تک رسائی فراہم کریں۔

Latest from Blog