ٓٓاسلام آباد)پی پی آئی) چین نے غیر ملکیوں خصوصاً چینی باشندوں کے تحفظ کے لئے اسلام آباد میں خصوصی تحفظ یونٹ کے قیام کو سراہاہے۔اس بات کا اظہار وزیر داخلہ محسن نقوی سے ان کے چینی ہم منصبQi Yanjun نے نیویارک میں ایک ملاقا ت کے دوران کیا۔ملاقات کے دوران قانون نافذ کرنے والے اداروں کی تربیت، جدید اسلحہ اور ٹیکنالوجی کے استعمال پر بات چیت کی گئی۔چین کے وزیر داخلہ نے داسو واقعے کی تحقیقات میں پیشرفت پر اطمینان کا اظہار کیا۔ انہوں نے پاکستان کے قانون نافذ کرنے والے اداروں کی واقعے کی تفتیش میں پیشہ ورانہ مہارت کی بھی تعریف کی۔چین کے وزیر داخلہ نے محسن نقوی کو ستمبر میں چین میں ہونے والے عالمی سلامتی فورم میں شرکت کی دعوت دی جو انہوں نے قبول کرلی۔