کستان، امریکہ کے ساتھ باہمی عزت اور احترام کی بنیاد پر اچھے اور خوشگوار تعلقات چاہتا ہے،شائستہ

اسلام آباد)پی پی آئی)مسلم لیگ نون کی رہنما شائستہ پرویز ملک نے کہا ہے کہ امریکی ایوان نمائندگان کی قرار داد کے جواب میں قومی اسمبلی میں قرارداد کی منظوری کا مقصد اس بات کی یاد دہانی ہے کہ پاکستان اپنے اندرونی معاملات میں کسی قسم کی مداخلت قبول نہیں کرے گا۔انہوں نے یہ بات آج اسلام آباد میں مسلم لیگ نون کے رہنما بیرسٹر عقیل ملک کے ہمراہ ایک نیوز کانفرنس سے خطاب کرتے ہوئے کہی۔انہوں نے کہا کہ پاکستان، امریکہ کے ساتھ باہمی عزت اور احترام کی بنیاد پر اچھے اور خوشگوار تعلقات چاہتا ہے۔شائستہ پرویز ملک نے دوٹوک الفاظ میں کہا کہ ہم کسی ملک کو اپنی خود مختاری کی خلاف ورزی نہیں کرنے دیں گے کیونکہ پاکستان ایک خود مختار ملک ہے جہاں ادارے اپنا کام بخوبی جانتے ہیں اور خوش اسلوبی سے انجام دے رہے ہیں۔بیرسٹر عقیل ملک نے کہا کہ امریکی ایوان نمائندگان نے اپنی قرار داد میں مقبوضہ جموں و کشمیر اور فلسطین میں ہونے والے مظالم کو اجاگر نہیں کیا۔