ایڈوانس ٹرن اوور ٹیکس کی واپسی کے مطالبے پر پٹرولیم ڈیلرزاور وزارت پٹرولیم کے مذاکرات

اسلام آباد(پی پی آئی) ایڈوانس ٹرن اوور ٹیکس کی واپسی کے مطالبے پر پٹرولیم ڈیلرزاور وزارت پٹرولیم کے مذاکرات جاری ہیں اور ڈیلرز کو ہڑتال  ختم کرنے پر قائل کیا جارہا ہے۔ترجمان ایکشن کمیٹی پی پی ڈی اے نعمان بٹ کا کہنا ہے کہ شہریوں کی پریشانی  ہماری لیے اولین ترجیح ہے، ٹیکس واپس نہ ہوا تو مجبوراََ پمپس بند کر دیں گے، حکومت بھی شہریوں اور ڈیلرز کی پریشانی کو مد نظر رکھے۔واضح رہے پاکستان پٹرولیم ڈیلرز ایسوسی ایشن (پی پی ڈی اے) نے بجٹ میں 0.5 فیصد ایڈوانس ٹرن اوور ٹیکس کے نفاذ کے خلاف 5 جولائی کو ملک گیر ہڑتال کا اعلان کیا ہے۔

Latest from Blog