عمران کی رہائی کیلئے پارٹی متحرک، عدلیہ سے پوری امید ہے: علی امین گنڈاپور

اسلام آباد(پی پی آئی) خیبرپختونخوا کے وزیراعلیٰ اور پی ٹی آئی رہنما علی امین گنڈا پور نے کہا کہ پارٹی میں کوئی اختلاف نہیں ہے، چھوٹی سی بات کو بڑھا چڑھا کر پیش کیا جاتا ہے۔ انسداد دہشتگردی عدالت اسلام آباد میں پیشی کے بعدمیڈیا سے گفتگو کرتے ہوئے انہوں نے کہا کہ عمران خان کی رہائی کیلئے پوری پارٹی متحرک ہے، عدلیہ سے پوری امید ہے انشا اللہ بانی پی ٹی آئی کی رہائی ہوگی۔پی پی آئی کے مطابق علی امین گنڈا پور کا مزید کہنا تھا کہ ہم نے ثابت کیا ہماری پارٹی آئین کے مطابق چلنے والی پارٹی ہے، ان کے کپڑوں میں کرپشن کے جتنے سوراخ ہیں ان کو جلد پتا چل جائے گا۔

Latest from Blog