کرائسٹ چرچ/اسلام آباد(پی پی آئی)پاکستان کرکٹ ٹیم آئندہ سال وائٹ بال سیریز کیلئے نیوزی لینڈ کا دورہ کرے گی جہاں وہ 5 ٹی ٹوئنٹی اور 3 ون ڈے انٹرنیشنلز کھیلے گی۔نیوزی لینڈ کرکٹ نے پاکستان سے وائٹ بال سیریز کا شیڈول جاری کر دیا ہے۔وائٹ بال سیریز 16 مارچ سے 5 اپریل 2025 کے درمیان ہوگی، پی پی آئی کے مطابق سیریز کا پہلا ٹی ٹوئنٹی 16 مارچ کو کرائسٹ چرچ، دوسرا 18 مارچ کو ڈنیڈن میں ہوگا۔تیسرا ٹی ٹوئنٹی 21 مارچ کو آکلینڈ، چوتھا 23 مارچ کو تاورانگا جبکہ پانچواں ٹی ٹوئنٹی 26 مارچ کو ویلنگٹن میں ہوگا۔ون ڈے سیریز کے میچز نیپئر، ہملٹن اور تاورانگا میں 29 مارچ، 2 اپریل اور 5 اپریل کو ہوں گے،کرکٹ نیوزی لینڈ نے اپنے سیزن کے شیڈول میں پاکستان میں چیمپئنز ٹرافی کھیلنے کی بھی تصدیق کر دی۔اس کے علاوہ نیوزی لینڈ نے چیمپئنز ٹرافی سے قبل ملتان میں تین ملکی ٹورنامنٹ کی بھی تصدیق کر دی۔
Next Post
ویمنز ایشیا کپ سری لنکا میں آج سے 28 جولائی دمبولا میں کھیلا جائے گا
Thu Jul 18 , 2024
کولمبو (پی پی آئی)ویمنز ایشیا کپ سری لنکا میں 19 تا 28 جولائی دمبولا میں کھیلا جائے گا۔پاکستان کی 15 رکنی قومی ویمنز ٹیم ٹی 20 ایشیا کپ کرکٹ ٹورنامنٹ میں شرکت کے لیے سری لنکا میں موجود ہے۔پی پی آئی کے مطابق گروپ اے میں قومی ویمن ٹیم اپنا پہلا میچ 19 جولائی کوروایتی حریف اور دفاعی چیمپئین بھارت […]