تعلیم اور ٹیکنالوجی سمیت تمام شعبوں کی ترقی کیلئے حکومت کوشاں ہی ہے:محی الدین وانی

کراچی(پی پی آئی)وفاقی وزارت تعلیم اور پیشہ ورانہ تربیت کے سیکریٹری محی الدین وانی نے کہا ہے کہ حکومت  تعلیم اور ٹیکنالوجی  سمیت تمام  اہم شعبوں  کی ترقی کیلئے کوشاں ہے وہ چھٹی انوکسیرا سمٹ  سے مخاطب تھے جو  سرینا ہوٹل میں منعقد ہوئی۔ اس موقع پر پی ٹی سی ایل کے گروپ چیف سلوشنز آفیسر ضرار ہشام خان نے کہا  کہ پی ٹی سی ایل گروپ پاکستان کے تمام بچوں کی ترقی کے مواقع بڑھانے کے لئے تعلیم اور سیکھنے کے عمل کو جدت سے ہم آہنگ کرنے کے لئے پرعزم ہے۔ ہمیں پختہ یقین ہے کہ ٹیکنالوجی کے ذریعے تعلیم و تربیت میں انقلابی تبدیلیاں لائی جاسکتی ہیں۔‘مائیکروسافٹ کے کنٹری پرنسپل آفیسر و ریجنل ایجوکیشن سربراہ، جبران جمشید نے کہا کہ مائیکرو سافٹ طلبہ کو بااختیار بنانے پر خصوصی توجہ دیتا ہے کیونکہ ہم پاکستان کے ای لرننگ  وژن کو آگے بڑھانے کے خواہاں ہیں۔