پی ڈبلیو ڈی ملازمین کے مستقبل کا ابھی کوئی فیصلہ نہیں ہوا، ریاض پیرزادہ

اسلام آباد(پی پی آئی)وفاقی وزیر ہاؤسنگ و تعمیرات میاں ریاض حسین پیرزادہ نے واضح کیا ہے کہ پاک پی ڈبلیو ڈی کے ملازمین کے مستقبل کا ابھی کوئی فیصلہ نہیں ہوا۔قومی اسمبلی اجلاس میں شگفتہ جمالی کے سوال کے جواب میں انہوں نے کہا کہ پاک پی ڈبلیو ڈی کے حوالے سے یہاں کوئی بیان نہیں دیاجاسکتا۔ابھی تک پالیسی کو حتمی شکل نہیں دی گئی۔ پی پی آئی کے مطابق   اسمبلی میں بل کے ذریعے ترمیم بھی لانی ہے، یہ سرکاری ملازمین ہیں، فی الحال ان کے مستقبل کو کوئی خطرہ نہیں ہے، نہ ان کے ساتھ کوئی زیادتی ہو گی۔وقفہ سوالات کے دوران ملک شاکر بشیر اعوان کے سوال کے جواب میں وفاقی وزیر ہاؤسنگ اینڈ ورکس میاں ریاض حسین پیرزادہ نے کہا  گرین ون اور گرین ٹو اور سکائی گارڈن دسمبر 2025 تک مکمل ہو جائیں گے۔ارکان ہمارے ساتھ سائٹ کا دورہ کرنا چاہئیں تو ہم انہیں ساتھ لے کر جانے کیلئے تیار ہیں۔