پاکستان ریلویز کے کرایوں میں 10 فیصد کمی،اطلاق کل سے ہوگا

کراچی(پی پی آئی)پاکستان ریلویز نے کرایوں میں 10 فیصد کمی کا اعلان کر دیاہے۔ ایکسپریس اور میل ٹرینوں کی تمام اے سی کلاسز اورتمام پسنجر ٹرینوں کی اکانومی کلاس کے کرایوں میں بھی 10 فیصد کمی کی گئی ہے۔پی پی آئی کے مطابق  حکام کا کہنا ہے کہ ریلوے کے کرایوں میں کمی کا اطلاق 23 ستمبر سے ہوگا۔لاہور سے کراچی کا کرایہ 4470سے کم کرکے 4250روپے اورلاہور سے راولپنڈی کا کراییہ1110 سے کم کرکے 1050روپے مقرر کیا گیا۔