لاتوں کے بھوت باتوں سے نہیں مانتے، طلال چوہدری

 فیصل آباد(پی پی آئی)سینیٹر طلال چوہدری نے کہا ہے کہ چند عناصر اداروں کے خلاف مذموم مہم چلاتے ہیں، ملک کو نقصان پہنچانے کیلئے شرپسند کسی بھی حد تک جاسکتے ہیں، ایسے لوگوں سے کوئی ہمدردی نہیں کی جاسکتی۔پی پی آئی کے مطابق فیصل آباد میں میڈیا سے گفتگو کرتے ہوئے ان کا کہنا تھا کہ کے پی کے بدترین حالات ہیں اور وہاں کے پیسے پنجاب پر یلغار کے لئے لگ رہے ہیں، لاتوں کے بھوت باتوں سے نہیں مانتے ان کا کہنا تھا کہ ہمارے پاس یہ اطلاعات ہیں یہ شرپسندی کیسے کرنا چاہتے ہیں، ان کو ماحول خراب کرنے کی اجازت نہیں دی جائے گی، شنگھائی تعاون تنظیم اسلام آباد میں ہونے جارہی ہے یہ اس کو نقصان پہنچانا چاہتے ہیں۔