عمران کی رہائی کیلئے ہمارے پاس احتجاج کے علاوہ کوئی راستہ نہیں:علیمہ خان

راولپنڈی(پی پی آئی) بانی پی ٹی آئی عمران خان کی ہمشیرہ علیمہ خان کا کہنا ہے کہ عمران خان کو جیل سے نکالنا ہے اور اس کیلئے ہمارے پاس احتجاج کے علاوہ کوئی راستہ نہیں،عمران خان نے آج  بھی کہا ہے کہ احتجاج کبھی روکا نہیں جاتا اور نہ ہی راولپنڈی میں اسے رکنا چاہیے تھا،پی پی آئی کے مطابق راولپنڈی کی اڈیالہ جیل کے باہر میڈیا سے گفتگو کرتے ہوئے بانی پی ٹی آئی کی ہمشیرہ علیمہ خان نے کہا کہ اگر ہم پرامن احتجاج نہیں کریں گے تو وہ عمران خان کو باہر آنے کے بجائے فوجی جیل میں بھی ڈال سکتے ہیں۔ بانی پی ٹی آئی کی سالگرہ والے دن لاہور میں بھی مینار پاکستان پر احتجاج ہوگا۔۔وزیراعلیٰ خیبرپختونخواہ علی امین گنڈاپور کا راولپنڈی احتجاج میں شرکت کیلئے آنے والا قافلہ بہت بڑا تھا اس پر فائرنگ کی گئی جس کی جتنی بھی مذمت کی جائے۔پرامن لوگوں پر گولیاں اور لاٹھیاں برسائی گئیں۔