نائب وزیراعظم کا وسیع تر قومی مفادات کیلئے اتحاد کی ضرورت پر زور

ٓاسلام آباد(پی پی آئی)نائب وزیراعظم اور وزیر خارجہ محمد اسحاق ڈار نے وسیع تر قومی مفادات کی خاطر چھوٹے سیاسی مفادات سے بالاتر ہونا پڑے گا۔ایک پریس بیان میں انہوں نے پاکستان تحریک انصاف کے احتجاج کے وقت کو تنقید کا نشانہ بناتے ہوئے اسے عالمی سطح پر ملک کے وقار کو نقصان پہنچانے کی کوشش قرار دیا۔ انہوں نے کہا کہ یہ احتجاج ایسے وقت میں شروع کیا گیا جب پاکستان اسلام آباد میں شنگھائی تعاون تنظیم کے سربراہی اجلاس کی میزبانی کرنے جا رہا تھا۔اسحاق ڈار نے کہا کہ احتجاج کا مقصد ملک میں افراتفری پھیلانا اور ایس سی او کے سربراہی اجلاس میں پاکستان کی سفارتی کوششوں کو سبوتاژ کرنا تھا۔نائب وزیر اعظم نے پی ٹی آئی کی جانب سے کسی خاص ملک کے وزیر خارجہ کو اس کے احتجاج میں شرکت کی دعوت کو اس کی قیادت کی جانب سے قومی وقار کو نقصان پہنچانے والی سیاسی چال کے طور پر بھی دیکھا۔