سانحہ گاندربل پر بہت افسردہ ہوں، بہیمانہ ہلاکتوں پر گہرا دکھ:میرواعظ عمرفاروق

 سری نگر (پی پی آئی)مقبوضہ جموں و کشمیرمیں کل جماعتی حریت کانفرنس کے سینئر رہنما میرواعظ عمرفاروق نے کہاہے کہ وہ گاندربل کے علاقے گگنگیر میں ہونے والی ہلاکتوں پر بہت افسردہ ہیں۔ نامعلوم مسلح افراد نے ضلع کے علاقے سونہ مرگ میں ایک سرنگ کی تعمیر کرنے والی بھارتی تعمیراتی کمپنی کے کارکنوں کے کیمپ پر حملہ کرکے ایک ڈاکٹر سمیت سات افراد کو ہلاک اور پانچ کو زخمی کردیاتھا۔ پی پی آئی کے مطابق میرواعظ نے اپنے آفیشل ایکس ہینڈل پر لکھا کہ گگنگیر میں ہونے والے بہیمانہ قتل پر گہرا دکھ ہوا ہے۔ تمام مذاہب کی طرح اسلام بھی ایسے غیر انسانی رویے کی مذمت کرتا ہے۔انہوں نے کہاکہ ہر زندگی قیمتی ہے اور اس طرح  جانوں کاضائع ہونا انتہائی تکلیف دہ ہے۔