صحافیوں کے خلاف جرائم کیلئے استثنیٰ کے خاتمے کا عالمی دن منایا  گیا

 کراچی(پی پی آئی)صحافیوں کے خلاف جرائم کیلئے استثنیٰ کے خاتمے کا عالمی دن ہفتہ کے روزمنایا  گیا۔اقوام متحدہ کی جنرل اسمبلی نے ایک قرارداد میں  دو نومبر کوصحافیوں کے خلاف جرائم کیلئے استثنیٰ کے خاتمے کا عالمی دن قرار دیا  تھا۔اس تاریخی قرارداد میں صحافیوں اور میڈیا ورکرز کے خلاف تمام حملوں اور تشدد کی مذمت کی گئی ہے اور  رکن  ملکوں سے مطالبہ کیا گیا ہے وہ صحافیوں کیلئے محفوظ ماحول یقینی بنائیں تاکہ وہ آزادانہ طور پر اپنے فرائض انجام دے سکیں۔