آؤٹ آف ا سکول چلڈرن  لٹریسی ریٹ2030 تک 100 فیصد پر لایا جائے:رانا سکندر حیات

لاہور(پی پی آئی)وزیر تعلیم رانا سکندر حیات کی زیر صدارت محکمہ لٹریسی کا اجلاس منعقد ہوا جس میں نان فارمل سکولوں کی استعداد کار بڑھانے سمیت دیگر متعلقہ امور پر تبادلہ خیال کیا گیا۔ اجلاس میں وزیر تعلیم نے ہدایت کی کہ کم شرح تعلیم والے ایریاز کو ٹارگٹ کر کے موثر اسٹریٹیجی بنائی جائے اور 2030 تک آؤٹ آف سکول چلڈرن کی تعداد زیرو کرتے ہوئے لٹریسی ریٹ 100 فیصد پر لایا جائے۔ انہوں نے کہا کہ نان فارمل سکولوں کو جلد ٹیبلٹس بھی دئیے جا رہے ہیں۔ وزیر تعلیم کو بتایا گیا کہ 470 نان فارمل لٹریسی سنٹرز میں سکلز پروگرام چل رہا ہے۔ سیکرٹری لٹریسی نے بتایا کہ اڈلٹ لٹریسی کیلئے خصوصی ایپ بھی بنائی جا رہی ہے جسے بالغ افراد آن لائن استعمال کر کے تعلیم حاصل کر سکتے ہیں۔ اس ضمن میں ایپ کیلئے سیلولر کمپنی سے ڈیٹا بھی لے کر دیا جائے گا۔