چینی باشندوں کی سکیورٹی ہائی الرٹ، اے لیول میں تبدیل

لاہور(پی پی آئی) پنجاب بھر میں کام کرنیوالے چینی باشندوں کی سکیورٹی کو ہائی الرٹ کرتے ہوئے اسے  اے لیول میں تبدیل کردیا ہے اور تمام غیر ملکیوں سے کہا گیا ہے کہ وہ بغیر اطلاع دیئے غیر ضروری نقل و حرکت سے گریز کریں تاکہ ان کے جان و مال کے تحفظ کو یقینی بنایا جاسکے۔ محکمہ داخلہ کے مطابق چین کی جانب سے پاکستان میں کام کرنیوالے اپنے شہریوں کی سکیورٹی پر اٹھائے گئے سوالات پر حکومت نے چینی شہریوں کی سکیورٹی ہائی الرٹ کردی ہے تاکہ کسی بھی ناخوشگوار واقعہ سے بچنے میں مدد مل سکے۔