پنجاب کے وزیر صنعت و تجارت سے چینی سرمایہ کاروں کے وفد کی ملاقات

لاہور(پی پی آئی)پنجاب کے وزیر صنعت و تجارت چوہدری شفیع حسین سے چینی سرمایہ کاروں کے وفد نے ملاقات کی۔وفد نے پنجاب کے صحت، تعلیم، زراعت اور الیکٹرک وہیکل (EV) کے شعبوں میں سرمایہ کاری اور تعاون کو فروغ دینے کے مواقع تلاش کرنے میں دلچسپی کا اظہار کیا۔حکومت پنجاب کے ترجمان کے مطابق انہوں نے پنجاب میں الیکٹرک وہیکل اسمبلی پلانٹ اور کیمیکل مینوفیکچرنگ کی سہولیات کے قیام میں بھی دلچسپی ظاہر کی۔ اس موقع پر ہواوے گروپ نے  260,000 پاکستانی طلبا کو  تربیت دینے  کا اعلان کیا۔