اسلام آباد(پی پی آئی) صدر آصف علی زرداری اوروزیراعظم شہبازشریف نے شمالی وزیرستان میں خوارج کے خلاف خفیہ اطلاعات کی بنیاد پر کارروائی کرنے پر سیکورٹی فورسز کی تعریف کی ہے۔صدر نے ایک بیان میں کامیاب کارروائی میں چھ خوارج کوہلاک کرنے پر سیکورٹی فورسز کی بہادری کو سراہا۔انہوں نے سیکورٹی فورسز کی پیشہ وارانہ مہارت کو سراہتے ہوئے دہشت گردی کے مکمل خاتمے کے قومی عزم کا اعادہ کیا ہے۔وزیراعظم نے بھی ایک بیان میں شمالی وزیرستان کے علاقے SPINWAM میں فتنہ الخوارج کے خلاف کامیاب آپریشن پر سیکورٹی فورسز کے افسروں اور اہلکاروں کوسراہا۔انہوں نے آپریشن میں چھ خوارج کوہلاک کرنے پرسیکورٹی فورسز کی پیشہ وارانہ مہارت کو بھی سراہا۔وزیراعظم نے کہا کہ ہم ملک سے دہشت گردی کے مکمل خاتمے تک اس کے خلاف جنگ جاری رکھیں گے۔انہوں نے کہاکہ پوری قوم دہشت گردی اورملک میں انتشار پھیلانے والوں کے مکمل خاتمے تک سیکورٹی فورسز کے شانہ بشانہ ہے
Next Post
اقوام متحدہ نے کوئٹہ حملے کی شدید مذمت کی
Sun Nov 10 , 2024
اسلام آباد(پی پی آئی) اقوام متحدہ کے سیکرٹری جنرل انتونیو گوتریس نے کوئٹہ ریلوے اسٹیشن پر ہونے والے دہشت گردی کے گھناؤنے حملے کی شدید مذمت کی ہے۔ترجمان سٹیفن ڈوجارک نے ایک بیان میں کہا کہ سیکرٹری جنرل نے جاں بحق افراد کے اہل خانہ کے ساتھ ساتھ پاکستان کے عوام اور حکومت سے تعزیت کی ہے اور تمام زخمیوں […]