اسٹاک مارکیٹ میں نیا ریکارڈ قائم، انڈیکس 99 ہزار کا سنگ میل عبور

کراچی(پی پی آئی)کاروباری ہفتے کے اختتام پر پاکستان اسٹاک مارکیٹ نے 99 ہزار کا سنگ میل عبور کر لیا۔پاکستان اسٹاک مارکیت میں ریکارڈ پر ریکارڈ بننے لگے ہیں، جہاں 100 انڈیکس پہلی بار 99 ہزار پوائنٹس کی سطح عبور کرگیا۔کاروباری ہفتے کے آخری روز بھی پاکستان اسٹاک ایکسچینج میں مثبت رجحان دیکھا گیا، جہاں تیزی کی لہر جاریرہی۔پاکستان اسٹاک ایکسچینج میں جمعہ کو ایک اور نیا ریکارڈ بنا ہے، جہاں 100 انڈیکس میں 2 ہزار سے زائد پوائنٹس کا اضافہ ہوگیا۔جس کے باعث 100 انڈیکس 99 ہزار 600 پوائنٹس کا سنگ میل عبور کرکے تاریخ کی بلند ترین سطح پر پہنچ گیا۔پاکستان اسٹاک ایکسچینج نے امریکہ سمیت دنیا کے متعدد ترقی یافتہ ممالک کو پیچھے چھوڑ دیاگزشتہ روز پاکستان اسٹاک ایکسچینج کے 100 انڈیکس میں زبردست تیزی دیکھی گئی اور انڈیکس 97 ہزار کی ریکارڈ حد عبور کرگیا تھا اور کاروبارکے اختتام پر 1781 پوائنٹس اضافے سے 97 ہزار 328 پربند ہوا۔واضح رہے کہ گزشتہ ہفتوں سے پاکستان اسٹاک ایکسچینج میں مسلسل تیزی کار جحان ہے۔ ماہرین کا کہنا ہے کہ مارکیٹ میں مسلسل تیزی اور بازار حصص میں مسلسل قائم ہونے والے ریکارڈز سرمایہ کاروں کے اعتماد کا مظہر ہیں۔ گزشتہ ہفتوں میں پی ایس ایکس میں بلندی کے کئی ریکارڈز قائم ہو چکے ہیں۔