بشیر عبدالغنی کے ماورائے عدالت قتل کے خلاف آج گوادر میں ہڑتال کی جائے گی

کوئٹہ (پی پی آئی) حق دو تحریک گوادر کے رہنما عبدالحفیظ کیازئی نے کہا ہے کہ بشیر عبدالغنی کے مبینہ ماورائے عدالت قتل کے خلاف 27 نومبر کو گوادر میں شٹر ڈاؤن ہڑتال کی جائے گی۔ کوئٹہ پریس کلب میں پریس کانفرنس سے خطاب کرتے ہوئے انہوں نے چیف جسٹس سپریم کورٹ آف پاکستان سے مطالبہ کیا کہ بشیر عبدالغنی کے ماورائے عدالت قتل کی عدالتی تحقیقات کرائی جائیں اور ذمہ دار عناصر کا احتساب کیا جائے۔ انہوں نے کہا کہ پسنی کا رہائشی بشیر عبدالغنی 30 جولائی 2024 سے کاؤنٹر ٹیررازم ڈیپارٹمنٹ گوادر کی تحویل میں تھا، انہوں نے مزید کہا کہ اسے سیشن جج گوادر کے سامنے پیش کرنے کے بعد جوڈیشل ریمانڈ پر جیل بھیج دیا گیا۔ انہوں نے الزام لگایا کہ 22 نومبر 2024 کو خبر چلی کہ بشیر عبدالغنی کو لاک اپ سے فرار ہونے کی کوشش میں مارا گیا۔ چیف جسٹس سپریم کورٹ آف پاکستان سے بشیر عبدالغنی کے ماورائے عدالت قتل کی تحقیقات کرائیں اور ذمہ دار عناصر کا محاسبہ کریں