وزیراعظم شہباز شریف نے قومی یوتھ کونسل تشکیل دے دی

 اسلام آباد(پی پی آئی)  وزیراعظم شہباز شریف نے قومی یوتھ کونسل تشکیل دی ہے جس کا مقصد نوجوانوں کو مثبت سرگرمیوں میں مشغول رکھنا، انہیں پالیسی سازی میں زیادہ بااختیار بنانا اور اداروں کے استحکام میں ان کے کردار کو مزید بامقصد بنانا ہے۔وزیراعظم اسکے سرپرست اعلیٰ ہوں گے۔وزیراعظم یوتھ پروگرام کے چیئرمین وزیراعظم  جبکہ صوبوں، آزاد جموں و کشمیر اور گلگت بلتستان کے نوجوانوں کے امور کے وزرااس کے رکن ہوں گے۔یہ کونسل دس سے اْنتیس سال کے افراد کیلئے کام کرے گی اور ان کی نمائندگی کرے گی۔ کونسل ملک بھر میں سرکاری اور نجی شعبوں میں نوجوانوں کی قیادت والے معاشرے میں سرکاری نمائندہ ادارہ کے طور پر کام کرے گی۔یہ کونسل نوجوانوں سے متعلق پروگراموں، اقدامات اور ادارہ جاتی اصلاحات کیلئے وفاقی، صوبائی اور مقامی حکومتوں کی معاونت کرے گی۔