دریا بچاؤ تحریک کے تحت بیداری مارچ حیدرآباد سے شروع کیا جائے گا

کراچی 6جنوری(پی پی آئی) پاکستان مسلم لیگ فکشنل سندھ کے سیکریٹری جنرل اور جی ڈی اے کے سیکریٹری اطلاعات سردار عبدالرحیم نے کہا ہے کے ارسا ایکٹ میں مجوزہ ترامیم، دریائے سندھ پر 6 نئے  کینال بنانے، سندھ میں ڈاکو راج،  بیروزگاری، منہگائی اور لاقانونیت کے خلاف  بیداری مہم کو مزید تیز کرنے کیلیے دریائے سندھ بچاؤ تحریک کے تحت 11 اور 12 جنوری کو عوامی بیداری مارچ حیدرآباد سے شروع کیا جائے گا۔ سردار عبدالرحیم نے اپنے پریس بیان میں مزید کہا کے عوامی مہم کو مزید تیز کرنے کے حوالے سے ارسا ایکٹ ترامیم دریائے سندھ پر نئی کینال بنانے اور سندھ میں ڈاکو راج کے خلاف دریائے سندھ بچایو تحریک کی جانب سے جی ڈی اے کی مرکزی قیادت کی رہنمائی میں 11 جنوری صبح 12 بجے بائے پاس حیدرآباد سے ٹنڈوجام۔ ٹنڈوالہیار اور میرپورخاص شعوری مارچ پنہچے گا۔ جہاں عوامی اجتماعت کو جی ڈی اے اور دریائے سندھ بچایو تحریک کے رہنما خطاب کریں گے۔ جب کے 12 جنوری سے میرپوخاص سے عمرکوٹ تک شعوری مارچ ہو گا۔ عمر کوٹ میں  ایک بڑے اجتماع کو جی ڈی اے میں شامل اتحادی جماعتوں کے رہنما خطاب کریں گے انہوں نے کہا کہ سندھ کے مسائل کے حل تک جدوجہد جاری رہے گی۔ سردار عبدالرحیم نے مزید کہا کے زرداری لیگ کے سندھ دشمن منصوبو کو باشعور عوام کسی بھی صورت میں کامیاب ہونے نہیں دے گی۔ انہوں نے کہا کے سندھ کی کرپٹ حکومت نے صوبے کے عوام کو اسٹریٹ کرمنلز اور ڈاکوؤں کے رحم و کرم پر چھوڑ دیا ہیں۔ لیکن ہم عوام کو کسے بھی صورت میں تنہا نہیں چھوڑیں گے انہوں نے فنکشنل لیگ اور جی ڈی اے کے کارکنان کو کہا ہے کہ وہ شعوری مارچ میں زیادہ سے زیادہ بھرپور شرکت کریں