شہبازشریف نے چیلنجز کو ڈیل کیاپی ڈی ایم حکومت نے ملک دیوالیہ ہونے سے بچایا: اسحاق ڈار

کراچی 8 جنوری(پی پی آئی)وزیر خارجہ اسحاق ڈارنے کہا ہے کہ مجھے خوشی ہیکہ ہم نے ملکر 9 سال پہلے ایک پودا لگایا تھاوہ آج ایک درخت بن چکا ہے، جو 25 سالوں میں کام نہیں ہوا وہ ملکر 11 جنوری 2016 کو کیا۔ پاکستان  اسٹاک مارکیٹ میں منعقدہ تقریب سے خطاب کرتے ہوئے انہوں نے کہا کہ 2018 میں اسٹاک مارکیٹ 100 ارب ڈالر کی تھی، 24 ویں معیشت کو 47 ویں معیشت پر لاکر کھڑا کر دیا، یہ وہ چیلنجز تھے جو پاکستان کو ڈیفالٹ کے کنارے پر لے آئے، وزیراعظم شہبازشریف اور پی ڈی ایم گورنمنٹ نے چیلنجز کو بڑی اچھی طرح ڈیل کیا۔ان کا کہنا تھا کہ 2017 میں سیاسی عدم استحکام سے معیشت کا پہیہ روکا گیا، پی ڈی ایم حکومت نے پاکستان کو دیوالیہ ہونے سے بچایا، وزیراعظم کی قیادت میں حکومت بھرپور محنت کر رہی ہے۔اسحاق ڈار نے کہا کہ شہبازشریف کی سربراہی میں ضرور آگے بڑھیں گے، مایوسی کی بات نہیں پاکستان جلد کھویا ہوا مقام حاصل کرے گا، آنے والے دن اور سال ضرور بہتر ہوں گے، بیرونی سرمایہ کاروں کا پاکستان پر اعتماد بڑھ رہا ہے۔