غیر قانونی سگریٹ ا سمگل کرنے کی کوشش ناکام،2ملزمان گرفتار

سکھر17جنوری(پی پی آئی) کاؤنٹر ٹیررازم ڈیپارٹمنٹ (سی ٹی ڈی) سکھر نے ایک اہم کارروائی کے دوران غیر قانونی سگریٹ ا سمگلنگ کی کوشش ناکام بنادی۔ مخفی اطلاع پر کارروائی کرتے ہوئے سی ٹی ڈی نے مورون برانڈ کی غیر  معیاری سگریٹ کے 200 کارٹن (10,000 ڈنڈے) برآمد کر لیے۔پولیس کے مطابق کارروائی کے دوران دو ملزمان کو گرفتار کیا گیا جو یہ غیر قانونی سگریٹ شکارپور سے پنجاب منتقل کرنے کی کوشش کر رہے تھے، سی ٹی ڈی حکام کے مطابق ملزمان اسمگلنگ کے ذریعے بڑے پیمانے پر نقصان پہنچانے کے منصوبے پر کام کر رہے تھے،سی ٹی ڈی سکھر کی بر وقت کارروائی کے نتیجے میں یہ کوشش ناکام بنادی گئی اور ملزمان کے عزائم خاک میں ملا دیے گئے۔ گرفتار ملزمان کے خلاف قانونی کارروائی کا آغاز کر دیا گیا ہے۔