دکی بلوچستان کے زیارت روڈ پر آئی ای ڈی دھماکہ

دکی، 29 جنوری (پی پی آئی) بلوچستان میں دکی کے علاقے زیارت روڈ یارو شر میں بدھ کے روز شاپر بیگ میں رکھا آئی ای ڈی پھٹ گیا جس سے کوئی جانی نقصان نہیں ہوا۔ رپورٹ کے مطابق کالے رنگ کے شاپر بیگ میں رکھا گیا دیسی ساختہ دھماکہ اس وقت ہوا جب دکی جانے والی مسافر پک اپ نے دھماکے کی جگہ کو عبور کیا تاہم دھماکے میں کوئی جانی نقصان نہیں ہوا۔ فرنٹیئر کور بلوچستان اور لیویز فورس کے اہلکار دھماکے کی جگہ پر پہنچ گئے، علاقے کو گھیرے میں لے کر دھماکے کے ذمہ دار عناصر کی تلاش شروع کر دی۔ مزید تفتیش جاری ہے۔