وزیراعظم سے ارکان پارلیمان اور سیاسی رہنماوں کی ملاقاتیں، ملک کی مجموعی صورتحال پر تبادلہ خیال

اسلام آباد(پی پی آئی)وزیراعظم محمد شہباز شریف سے وزیر مملکت برائے خزانہ و محصولات علی پرویز ملک نے لاہور میں ملاقات کی۔ملاقات میں وزارت خزانہ و محصولات سے سے متعلق امور پر تبادلہ خیال کیا گیا۔وزیراعظم سے سابق وفاقی وزیر خواجہ سعد رفیق اور چیئرمین وزیر اعظم یوتھ پروگرام رانا مشہود احمد خان نے بھی ملاقات کی جس میں ملک کی مجموعی و سیاسی صورت حال پر گفتگو کی گئی۔رکن قومی اسمبلی عبدالغفار وٹو،رکن پنجاب اسمبلی فدا حسین اور ممبر قومی اسمبلی عثمان اویسی نے بھی محمد شہباز شریف سے لاہور میں ملاقات کی۔ملاقات میں متعلقہ حلقوں سے متعلق امور اور سیاسی صورتحال پر بات چیت کی گئی۔