کراچی میں ٹریفک حادثات نے 2 افراد کی جان لے لی

کراچی یکم فروری (پی پی آئی)شہر قائدمیں ٹریفک حادثات نے دو افراد کی جان لے لی۔تفصیلات کے مطابق  پہلے حادثہ میں رزاق آباد سے پورٹ قاسم جاتے ہوئے گاڑی کی ٹکر کے نتیجے میں 35 سے 36 سالہ شخص جاں بحق ہو گیا۔ حادثے میں مرنے والے شخص کی شناخت ابھی تک عمل میں نہیں آ سکی ہے۔دوسرے ایکسیڈنٹ میں گلستان جوہر رابعہ سٹی کے قریب ٹریفک حادثہ میں 50 سے 52 سالہ شخص زخمی ہو گیا، جو دوران علاج چل بسا۔ متوفی کی شناخت اور رہائش کا پتہ بھی ابھی تک نہیں چل سکا۔ایدھی ٹرسٹ کے مطابق دونوں مرنے والوں کی شناخت نہیں ہوسکی تاہم ورثا کی تلاش جاری ہے۔