ایس سی اوکی جانب سے گلگت میں فری لانسنگ حب کا قیام

 گلگت (پی پی آئی)خدمت خلق کی روایت کو برقرار رکھتے ہوئے ایس سی او کا گلگت میں فری لانسسنگ حب کا قیام عمل میں لایا گیا ہے۔ایس سی او گلگت بلتستان اور آزاد کشمیر میں خصوصی صلاحیتوں کے حامل افراد کے لئے اداروں کی کفالت کا فریضہ سرانجام دے رہا ہے۔انڈپینڈنٹ لیونگ سینٹر میں خصوصی افراد کیلئے ہر طرح کے وسائل موجود ہیں۔ خصوصی افراد کا کسی بھی معاشرے کی تعمیر و ترقی میں اہم کردار ہوتا ہے یہ باصلاحیت خصوصی افراد دوسروں کے لئے بھی مثال قائم کرتے ہیں۔فری لانسنگ حب کے قیام سے آئی ٹی کے شعبے میں خصوصی صلاحیتوں کے حامل بچے اور بچیاں مستفید ہو رہے ہیں۔”ایس سی او کی جانب سے خصوصی افراد کے لئے مختص فری لانسنگ حب میں لیپ ٹاپس فراہم کیے جائیں گے”۔