سندھ نے سستی بجلی کے لیے صوبائی گرڈ کا خاکہ پیش کیا؛ ڈنمارک کی سبز سرمایہ کاری پر نظر

کراچی 22فروری (پی پی آئی) الخدمت فاؤنڈیشن سندھ نے رمضان المبارک کے مہینے میں مستحق خاندانوں کو راشن فراہم کرنے کے لیے اپنے پہلے فوڈ حب کا افتتاح کیا ہے۔لخدمت فاؤنڈیشن سندھ کے بیان کے مطابق۔ افتتاحی تقریب میں الخدمت فاؤنڈیشن پاکستان کے ڈائریکٹر احمد جبران بلوچ، نائب صدر الخدمت فاؤنڈیشن سندھ و ڈائریکٹر کمیونٹی سروسز پروگرام انجینئر عمر فاروق سمیت دیگر ذمہ داران شریک ہوئے۔ احمد جبران بلوچ نے اس موقع پر کہا کہ الخدمت فاؤنڈیشن ہمیشہ سے دکھی انسانیت کی خدمت میں پیش پیش رہی ہے۔انہوں نے مزید کہا کہ رمضان المبارک کے دوران مستحق افراد کی ضروریات پوری کرنے کے لیے خصوصی اقدامات کیے جا رہے ہیں۔ ان کا کہنا تھا کہ ہمارا مقصد ضرورت مند افراد کو باعزت طریقے سے راشن فراہم کرنا ہے۔انجینئر عمر فاروق نے کہا کہ رمضان المبارک میں حیدرآباد، سکھر، تھرپارکر اور شکارپور سمیت صوبے بھر میں 15 ہزار سے زائد مستحق خاندانوں کو راشن فراہم کیا جائے گا۔ پہلے مرحلے میں کراچی میں ایک فوڈ حب قائم کیا گیا ہے۔انہوں نے مزید بتایا کہ دوسرے مرحلے میں سندھ کے دیگر بڑے شہروں میں بھی راشن کی تقسیم کے لیے فوڈ حب قائم کیے جائیں گے۔ الخدمت فاؤنڈیشن نے عوام اور مخیر حضرات سے بھی تعاون کی اپیل کی ہے تاکہ زیادہ سے زیادہ ضرورت مندوں تک امداد پہنچائی جا سکے۔