کراچی پولیس اور ڈاکوؤں میں مقابلہ،2ڈاکو زخمی حالت میں گرفتار

کراچی،6مارچ (پی پی آئی)کراچی میں اینٹی اسٹریٹ کرائم سیل کی کارروائی کے دوران پولیس اور ڈاکوؤں کے درمیان  پاک کالونی میں فائرنگ کا تبادلہ ہوا۔ اس دوران دو خطرناک ملزمان زخمی حالت میں گرفتار کر لیے گئے جبکہ ایک ملزم کو بلا ضرب گرفتار کیا گیا۔”فائرنگ کے دوران علاقے کے لوگ بھی باہر آگئے۔ ملزمان کے قبضے سے دو پستول، چار موبائل فونز اور ایک موٹر سائیکل برآمد ہوئی۔ زخمی ملزمان کو اسپتال منتقل کر دیا گیا ہے جبکہ بلا ضرب ملزم کو متعلقہ تھانے میں منتقل کر دیا گیا ہے۔ “زخمی ملزمان کی شناخت نواز اور نظام حسین کے نام سے ہوئی ہے جبکہ بلا ضرب گرفتار ملزم سلطان کے نام سے جانا گیا ہے۔ ابتدائی اطلاع کے مطابق یہ ملزمان مال بردار کنٹینر اور ٹرک چھیننے میں ملوث ہیں۔ پولیس نے مزید تحقیقات شروع کر دی ہیں۔