اسلام آباد،6مارچ (پی پی آئی) وزیراعظم محمد شہباز شریف نے غزہ کی تعمیر نو کے حوالے سے مصر کے صدر عبدالفتاح السیسی کے منصوبے کا خیر مقدم کیا ہے۔ انہوں نے کہا ہے کہ فلسطین کے مسئلے کا حل اقوام متحدہ کی قراردادوں کے مطابق ہونا چاہیے اور 1967 سے پہلے کی سرحدوں پر مبنی ایک خودمختار فلسطینی ریاست قائم کی جائے جس کا دارالحکومت القدس الشریف ہو۔، وزیراعظم نے اپنے ٹویٹ میں پاکستان کے مؤقف کا اعادہ کرتے ہوئے کہا کہ اقوام متحدہ کو اپنی قراردادوں پر عمل درآمد یقینی بنانا چاہیے۔ ان کا کہنا تھا کہ مسئلہ فلسطین کا حل دو ریاستی بنیادوں پر نکالا جانا ضروری ہے تاکہ خطے میں پائیدار امن قائم ہوسکے۔وزیراعظم نے غزہ میں جاری انسانی بحران پر بھی تشویش کا اظہار کیا اور عالمی برادری پر زور دیا کہ فلسطینی عوام کو درپیش مشکلات کے خاتمے کے لیے اقدامات کیے جائیں۔ انہوں نے مصر کے صدر عبدالفتاح السیسی کے تعمیر نو کے منصوبے کو ایک اہم پیش رفت قرار دیا اور اس کی مکمل حمایت کا اعلان کیا۔
Next Post
سول اسپتال کراچی میں میڈیکل اور سرجیکل ٹاور، لاڑکانہ میں انسٹیٹیوٹ آف یورولوجی کے قیام کا فیصلہ
Thu Mar 6 , 2025
کراچی،6مارچ (پی پی آئی)وزیراعلیٰ سندھ سید مراد علی شاہ کی زیر صدارت محکمہ صحت کا اجلاس منعقد ہوا، جس میں صوبے کے چار سالہ صحت کے اشاریوں پر غور کیا گیا۔ اجلاس میں صحت کے نظام کی بہتری اور خدمات کی فراہمی کو مؤثر بنانے کے لیے اقدامات کا جائزہ […]