مورو جیل سے فرار ہونے والا قیدی عمران گرفتار،وسرے مفرور کی تلاش جاری

نوشہرو فیروز،8مارچ (پی پی آئی) پولیس نے جیل توڑ کر فرار ہونے والے قیدی عمران تارڈ کو دوبارہ گرفتار کرنے کا دعوی کیا ہے۔ ایس ایچ او مورو مجیب الرحمن ناریجو کے مطابق، عمران تارڈ کو بغیر لائسنس پستول کے ساتھ گرفتار کیا گیا ہے جبکہ دوسرے فرار ہونے والے قیدی کی تلاش جاری ہے۔”ذرائع کے مطابق، عمران تارڈ کی گرفتاری سیاسی اور خاندانی دباؤ کے باعث عمل میں آئی۔ یاد رہے کہ 3 مارچ کی شب مورو کی جوڈیشل جیل سے دو قیدی سلیم خاص خیلی اور عمران تارڈ جیل کی چھت پھاڑ کر فرار ہوگئے تھے۔”اس واقعہ کے بعد ایس ایس پی نوشہر فیروز سینگار علی ملک نے مورو جوڈیشل جیل کے انچارج محمد اسماعیل ملک اور پولیس کانسٹیبل نذیر علی عمرانی کو گرفتار کرکے سرکاری مدعیت میں مقدمہ نمبر 66 سال 2025 درج کیا تھا۔ ان کے خلاف دفعات 223 اور 224 کے تحت کارروائی کی گئی۔