نامور افسانہ نگار کرشن چندر کی 48 ویں برسی منائی گئی

کراچی،8مارچ (پی پی آئی)نامور افسانہ نگار کرشن چندر کی 48 ویں برسی ہفتہ8مارچ کو منائی گئی۔۔ وہ 23 نومبر 1914 کو وزیر آباد میں پیدا ہوئے اور 8 مارچ 1977 کو وفات پائی۔ ان کی اہلیہ سلمیٰ صدیقی، جو معروف ادیب رشید احمد صدیقی کی صاحبزادی تھیں، 13 فروری 2017 کو 85 برس کی عمر میں وفات پا گئی تھیں۔کرشن چندر کے صاحبزادے منیر ان سے چند سال قبل دنیا سے رخصت ہو چکے تھے۔ سلمیٰ صدیقی کرشن چندر سے 18 سال چھوٹی تھیں۔کرشن چندر کے والد ڈاکٹر گوری شنکر چوپڑا میڈیکل آفیسر تھے۔ انہوں نے اپنی ابتدائی تعلیم اردو اور فارسی میں حاصل کی جس کی وجہ سے ان کی اردو زبان پر گرفت مضبوط تھی۔انہوں نے 1929 میں ہائی اسکول کی تعلیم مکمل کی اور 1935 میں انگریزی میں ایم اے کیا۔ کرشن چندر کی ادبی خدمات کو اردو ادب میں ایک اہم مقام حاصل ہے۔