غیر قانونی غیر ملکیوں کی واپسی کی ڈیڈ لائن قریب، یکم اپریل سے ملک بدر ی شروع

اسلام آباد،11مارچ (پی پی آئی)”غیر قانونی غیر ملکیوں اور افغان سٹیزن کارڈ ہولڈرز کے پاکستان سے انخلاکے لیے مقرر کردہ 31 مارچ کی ڈیڈ لائن میں 21 دن باقی رہ گئے ہیں۔ حکومت نے بتایا ہے کہ یکم اپریل کے بعد ان افراد کو ملک بدر کرنے کا عمل شروع کر دیا جائے گا۔حکومت نے یقین دہانی کرائی ہے کہ انخلاکے دوران کسی بھی فرد کے ساتھ بدسلوکی نہیں کی جائے گی۔ اس ضمن میں واپس جانے والوں کے لیے خوراک اور صحت کی سہولیات کے انتظامات مکمل کر لیے گئے ہیں حکومت نے اس بات کی بھی وضاحت کی ہے کہ پاکستان میں قیام کے لیے غیر ملکیوں کو قانونی تقاضے پورے کرنا ہوں گے۔