بلوچستان میں عید سے قبل سرکاری ملازمین کو پیشگی تنخواہ کی ادائیگی کا اعلان

کوئٹہ،12مارچ (پی پی آئی)حکومت بلوچستان نے عید الفطر کے موقع پر صوبے کے تمام سرکاری ملازمین اور پنشنرز کو مارچ 2025 کی تنخواہیں اور پنشن 24 مارچ کو پیشگی ادا کرنے کی منظوری دے دی ہے۔یہ فیصلہ محکمہ خزانہ حکومت بلوچستان کی جانب سے 12 مارچ 2025 کو جاری کردہ حکم نامے میں کیا گیا۔ حکم نامے کے مطابق، وفاقی ٹریڑری رولز، والیم-I، حکومت بلوچستان کے رول-217 کے تحت، محکمہ خزانہ نے مارچ 2025 کی تنخواہ، الاؤنسز اور پنشن کی تقسیم کی منظوری دی ہے، جو عید الفطر کے موقع پر 24 مارچ کو ادا کی جائے گی۔حکم نامے میں واضح کیا گیا ہے کہ عام طور پر ملازمین کو تنخواہ اور پنشن ہر ماہ کے اختتام پر ادا کی جاتی ہے، تاہم عید الفطر کی وجہ سے یہ رقم مقررہ وقت سے پہلے جاری کی جا رہی ہے۔بلوچستان حکومت کے اس فیصلے کا مقصد سرکاری ملازمین اور پنشنرز کو عید کی تیاریوں میں سہولت فراہم کرنا ہے۔